Tera khayal teri baat sath chalti hai, Shayari

Tera khayal teri baat sath chalti hai,
Yeh kaaynat mere sath sath chalti hai,

Tamaam umar ka milna koi bhula bhi de,
Magar woh pehli mulaqaat sath chalti hai,

Bichadne lagta hai jab akhri musafir bhi,
To ek mauj-e-khayalat sath chalti hai,

Yeh kaisi raah pe dala hai waqt ne mujhko,
Na koi din na koi raat sath chalti hai,

Bohat aziz hai ankhon ko aansuon ki jhadi,
Koi bhi rut ho yeh barsaat saath chalti hai.