Bazaron ki chahal pahal se roshan hai, Shayari

Bazaron ki chahal pahal se roshan hai
In aankhon mein mandir jaisi sham kahan,

Main usko pahchan nahi paya toh kya
Yaad use bhi aaya mera naam kahan,

Din bhar suraj kiska pichha karta hai
Roj pahadi par jati hai sham kahan,

Logo ko suraj ka dhoka hota hai
Aansu bankar chamka mera naam kahan,

Dalano ki dhoop chhaton ki sham kahan
Ghar ke bahar ghar jaisa aaram kahan.