Ab kise chahein kise dhunda karein, Shayari

Ab kise chahein kise dhunda karein
Woh bhi aakhir mil gaya ab kya karein,

Halki halki baaris hoti rahe
Hum bhi phoolon ki tarah bhiga karein,

Aankhein munde is gulabi dhoop mein
Der tak baithe use socha karein,

Dil, mohabbat, deen duniya, shayari
Har dariche se tujhe dekha karein,

Ghar naya bartan naye kapde naye
In purane kagjon ka kya karein.